१८ असार २०८३, बिहीबार
बाराको कलैयामा भएको गोली प्रहारबाट घाइते भएका बाल एकता इङ्ग्लिस बोर्डिङ स्कूलका प्रधानाध्यापक रुपेश सर्राफ (गुड्डु)को मृत्यु भएको छ । दुईवटा मोटरसाइकलमा चढेर आएका ४ जनाको समूहले कलैया–६ मदर्सा टोलमा दिनदहाडै गोली प्रहार गरेको स्थानीयले बताएका छन् ।
घाँटी तथा छातीमा दुई-दुई गोली लागेको सरार्फको कलैया अस्पतालमा उपचार हुन नसकेपछि वीरगञ्जस्थित बयोधा अस्पतालमा लगिएको थियो । तर उपचारका क्रममा उनको मृत्यु भएको बाराका प्रमुख जिल्ला अधिकारी नवराज सापकोटाले लोकान्तरलाई बताए । सोमवार दिउसो १ बजे उनीमाथि गोली प्रहार भएको थियो ।
‘अज्ञात समूहले लखेट्दा-लखेट्दै भाग्ने क्रममा एउटा घरको ढोकामा छिर्दै गर्दा पछाडिबाट गोली हानिएको रहेछ,’ सापकोटाले भने । सर्राफलाई ४ वटा गोली प्रहार गरिएको उनले बताए ।
