०८ साउन २०८३, शुक्रबार
बागबजारमा रहेको मेरीना इम्पेक्सले नेपाली क्रिकेट टिमलाई ४० जोर सुट दिने भएको छ ।
मेरीना इम्पेक्स र नेपाल क्रिकेट सघंबीच बिहीवार उक्त सम्झौता भएको हो ।
सम्झौतामा मेरीना इम्पेक्सका तर्फबाट पवन खड्का र क्यानका तर्फबाट कोषाध्यक्ष पदमबहादुर खड्काले हस्ताक्षर गरेका छन् ।
टी २० वर्ल्ड कपमा नेपाली क्रिकेट टिमको सहभागिताको प्रबल सम्भावना रहेको बेला खेलाडीको हौसला बढाउन उक्त सहयोग गरेको मेरीना इम्पेक्सले जनाएको छ ।
पछिल्लो समय नेपाली क्रिकेटले देशलाई अन्तर्राष्ट्रिय स्तरमा चिनाएकोले क्रिकेट टिमलाई सहयोग गर्नुपर्ने दायित्व बोधलाई मनन गर्दै आफूहरूले सहयोग गरेको मेरीना इम्पेक्सका अर्जुन बस्नेतले बताए ।
विगत ४१ वर्षदेखि स्तरीय शर्टिङ, शुर्टिङ तथा तेलरिङ्ग सेवा दिँदै आएको मेरीना इम्पेक्स भरपर्दो सेवाका लागि परिचित छ ।
