२३ जेठ २०८३, शनिबार
विश्व क्रिकेटमा भारतका ब्याट्सम्यान विराट कोहलीले कीर्तिमानी शतक प्रहार गरेका छन्। विश्वकप क्रिकेटको सेमिफाइनलमा बुधबार न्युजिल्यान्डविरुद्ध कोहलीले कीर्तिमानी ५०औं शतक बनाएका हुन् ।
उनले ५० सचिन तेन्दुलकरले बनाएको ४९ शतकको कीर्तिमान तोडेका छन् ।
सचिनले आफ्नो ४५१औँ एकदिवसीय अन्तर्राष्ट्रिय खेलमा ४९ शतक बनाएका थिए । सचिनको कीर्तिमान कोहलीले आफ्नो २७७औँ खेलमा बराबरी गरेका थिए । बुधबार आफ्नो २७९औँ खेलमा उनले ५० शतक पुर्याएर नयाँ कीर्तिमान बनाएका हुन् ।
उनको कीर्तिमानी शतकसँगै न्युजिल्यान्डलाई हराउँदै भारत आईसीसी एकदिवसीय विश्वकपको फाइनलमा प्रवेश गरेको छ । गएराति मुम्बईको वनखेडे टस्टेडियममा न्युजिल्यान्डलाई ७० रनले हराउँदै भारत फाइनल पुगेको हो । भारत सन् २०११ पछि पहिलोपटक विश्वकप क्रिकेटको फाइनलमा पुगेको हो ।
भारतले दिएको ३९८ रनको लक्ष्य पछ्याएको न्युजिल्यान्डले ४८.५ ओभरमा सबै विकेट गुमाएर ३२७ रन मात्र बनाउन सक्यो ।
अब उपाधिका लागि भारतले अस्ट्रेलिया र साउथ अफ्रिकाबीचको खेलबाट हुने विजेतासँग खेल्ने छ । यी दुई टिमबीच आज प्रतिस्पर्धा हुँदै छ ।
