हिमाली  जिल्ला  हुम्लामा  खाना  पकाउने  ग्यासको  मूल्य  घटेको  छ  ।  राष्ट्रिय  सडक  सञ्जालसँग  दक्षिणी  हुम्ला  जोडिनु  र  ग्यास  व्यापारी  बढेका  कारण  प्रतिस्पर्धात्मक  बजार  भएकाले मूल्य घटेको हो । 

मालिका महादेव सप्लायर्सका सञ्चालक खुम  रावतले  खाना  पकाउने  ग्यासको  मूल्य  घटेको बताए । उनले यसअघि नयाँ एउटा सिलिन्डर ग्राहकले किन्नु पर्दा छ हजार पाँच सय रुपियाँ पर्नेमा अहिले मूल्य घटेर पाँच हजार पाँच सयमा झरेको बताए ।

त्यसै  गरी  पुरानो  सिलिन्डर  साट्ने  हो  भने  प्रतिसिलिन्डर  ग्यास  भरेपछि  चार  हजार  पाँच  सय  रुपियाँ  लाग्ने  गरेको  छ  ।  यसअघि  पुरानो सिलिन्डर भरेको मात्र पाँच हजार पाँच सय रुपियाँ लाग्ने गरेको खबर गोरखापत्रमा छापिएको छ ।