१० साउन २०८३, आइतबार
उच्च अदालतका १४ जना मुख्य न्यायाधीश तथा न्यायाधीशहरूको सरुवा भएको छ । साथै ४ जना न्यायाधीशहरूलाई काज सिफारिश गरिएको छ ।
प्रधानन्यायाधीश विश्वम्भरप्रसाद श्रेष्ठको अध्यक्षतामा मंगलवार बसेको न्याय परिषद् बैठकले उक्त सरुवा गरेको हो ।
उच्च अदालत दिपायलका मुख्य न्यायाधीश नृपध्वज निरौलालाई उच्च अदालत पाटनको मुख्य न्यायाधीशमा सरुवा गरिएको छ ।
यस्तै, उच्च अदालत विराटनगरका न्यायाधीश सत्यमोहन जोशी थारूको उच्च अदालत पोखराको बाग्लुङ इजलाश, उच्च अदालत तुलसीपुरका न्यायाधीश रत्नबहादुर बागचन्दको उच्च अदालत विराटनगर, धनकुटा इजलाशमा सरुवा गरिएको हो ।
उच्च अदालत पोखराको बाग्लुङ इजलाशका न्यायाधीश कृष्ण गिरीलाई उच्च अदालत दिपायलमा, उच्च अदालत पाटनको हेटौँडा इजलाशका न्यायाधीश राजेश्वर तिवारीलाई उच्च अदालत तुलसीपुर, बुटवल इजलाशमा सरुवा गरिएको हो ।
यस्तै, उच्च अदालत विराटनगरका न्यायाधीश दिनेशप्रसाद यादवलाई उच्च अदालत दिपायलको महेन्द्रनगर इजलाशमा सरुवा गरिएको छ ।
