शौर्य सिमेन्ट इन्डष्ट्रिज लिमिटेडले उत्पादित क्लिङ्कर छिमेकी मुलुक भारततर्फ निर्यात शुरू गरेको छ ।

यही मंसिर १६ गते एक औपचारिक कार्यक्रमका बीच शौर्य सिमेन्टका प्लान्ट हेड गुरुदयाल सिंह तथा सहायक महाप्रबन्धक विकास खड्काले संयुक्त रुपमा रिवन काटेर निर्यातको शुरूवात गरेका हुन् ।

उदयपुरको चुनढुङगाबाट उत्पादन गरिएको यस क्लिङ्कर तथा सिमेन्टमा न्यून एमजीओ तथा उच्चस्तरीय चुचीढुङ्गा समिश्रण रहेकाले भारतीय सिमेन्ट उद्योगमा सफल परीक्षणबाट स्विकृति भई निर्यात थालिएको कम्पनीले जनाएको छ ।

२०७८ माघबाट व्यावसायिक उत्पादन शुरूवात गरको उद्योगको क्षमता ३००० मेट्रिक टन रहेको छ ।

व्यावसायिक घराना शंकर ग्रुप, गोल्छा ग्रुप तथा अम्बे ग्रुपको संयुक्त लगानीमा सिराहाको मिर्चैयामा अवस्थित यस उद्योगले ओपीसी (५३ ग्रेड, ४३ ग्रेड) र पीपीसी सिमेन्ट उत्पादन गर्दै आएको छ ।