०३ साउन २०८३, आइतबार
अमेरिकी इन्टर मायमीका अर्जेन्टिनी फरवार्ड लियोनेल मेसी टाइम म्यागजिनको वर्षको उत्कृष्ट खेलाडी पुरस्कार (अवार्ड)बाट सम्मानित भएका छन् । उनी फूटबलका मात्र नभएर सबै खेलका वर्ष खेलाडी भएका हुन् ।
मेसीलाई बुधवार सम्मानित गर्दै टाइम्सले अमेरिकाको मेजर लिग सकर (एमएलएस)मा दर्शक बढाउन महत्वपूर्ण योगदान गरेको जनाएको छ ।
गत जुलाईमा मायमी पुगेका मेसीले एमएलएसको टोलीबाट सबैखाले प्रतियोगितामा गरी १४ खेलमा ११ गोल गरेका छन् । उनको उच्च प्रदर्शनप्रेरित टोलीले लिग्स कपको उपाधि उचालेको थियो । जुन क्लबको इतिहासमै पहिलो उपाधि थियो ।
अर्जेन्टिनाका विश्वकप विजेता कप्तान ३६ वर्षे मेसीले अक्टोबरमा कीर्तिमानी आठौं पटक बालोन डी’ओरसमेत जितेका थिए ।
