अष्ट्रेलियामा निवासी वैज्ञानिक  एवम्  गैरआवासीय नेपाली संघका सीप, ज्ञान तथा नव प्रवर्तन विभागका पुर्व संयोजक डा राजु अधिकारी  गैरआवासीय नेपाली विज्ञान तथा प्रविधि पुरष्कारबाट सम्मानित भएका छन् । 

नेपाल विज्ञान तथा प्रविधि प्रज्ञा–प्रतिष्ठान (नास्ट)द्वारा  स्थापित सो पुरष्कारबाट सम्मानित  हुने डा अधिकारी पहिलो गैरआवासीय नेपाली  हुन् ।

नास्टद्वारा बुधबार आयोजित एक समारोहमा प्रधानमन्त्री  पुष्पकमल दाहालले प्रदान गरेको सो पुरस्कार एनआरएनएका प्रमुख कार्यकारी अधिकृत राजेन्द्र कुमार राउतले डा अधिकारीको तर्फबाट  ग्रहण गरे । 

अधिकारी हाल अष्ट्रेलियाको  सीएसआइआरओ  र RMIT विश्वविद्यालय प्रमुख अनुसन्धान वैज्ञानिकको  रुपमा कार्यरत छन्।
डा अधिकारीका एक सय भन्दा बढी अनुसन्धानात्मक सामाग्री प्रकाशित छन्।