२१ असार २०८३, आइतबार
पोखराको मणिपाल शिक्षण अस्पतालबाट बेपत्ता भएका तनहुँका एक बिरामी खोज्न आज सेती नदीको ड्याम खोलिने भएको छ ।
उपचारका लागि मणिपाल भर्ना भएका १९ वर्षीय संगम मिश्र गत सोमबार साँझ साढे ६ बजेदेखि बेपत्ता थिए ।
मणिपाल नजिकैको सेती नदीमाथि रहेको झोलुङ्गे पुल परिसरमा कपडा र परिचय पत्र भेटिएको छ । थप खोजीका लागि आज सेती नदीको बाँध खोल्न लागिएको जिल्ला प्रहरी कार्यालय कास्कीले जनाएको छ ।
पोखरा महानगरपालिका–१६ दीपमा बनेको ड्याम आज दिउँसो १२ बजेदेखि ४ बजेसम्म खोलिने प्रहरीले जनाएको छ । यसले सेती नदीमा पानीको बहाव बढ्न सक्ने भएकाले नदी आसपासमा सतर्कता अपनाउन प्रहरीले अनुरोध गरेको छ ।
