२९ जेठ २०८३, शुक्रबार
पोखरा थन्डर्सले नेपाल सुपर लिग (एनएसएल)को दोस्रो संस्कणमा वीरगञ्ज युनाइटेडमाथि रोमाञ्चक जीत निकालेको छ ।
त्रिपुरेश्वरस्थित दशरथ रंगशालामा शनिवार सम्पन्न खेलमा पोखराले वीरगञ्जमाथि २–१ गोल अन्तरको रोमाञ्चक जीत निकालेको हो ।
पोखरालाई जीत दिलाउन जो आइडु र मोसेस ग्याबाले एक–एक गोल गरे । वीरगञ्जका लागि आइकिन्स बफोरले सान्त्वना गोल फर्काए ।
जारी प्रतियोगितामा तेस्रो जीत निकालेको पोखराले ६ खेलमा ११ अंक जाेडेको छ । यससँगै उ तालिकाको दोस्रो स्थानमा उक्लिएको छ ।
तेस्रो पराजय ब्यहोरेको वीरगञ्ज समान खेलबाट ५ अंकका साथ आठौं स्थानमा छ ।
