०३ साउन २०८३, आइतबार
काठमाडौं उपत्यकाको खानेपानीको प्रमुख स्रोत मेलम्चीको पानी ल्याउन माग गर्दै सोमवार काठमाडौंमा प्रदर्शन गरिएको छ ।
खानेपानीका लागि काठमाडौं उपत्यका संघर्ष समितिले सोमवार कोटेश्वरदेखि सुविधा नगरसम्म प्रदर्शन गरेको हो ।
खानेपानीको हाहाकार मच्चिएको भन्दै गृहिणी महिलाहरू रित्ता गाग्री र बाल्टिन लिएर सडकमा उत्रिएका थिए । ‘मेलम्ची खानेपानी माथिको चलखेल बन्द गर’ जस्ता नारा लगाएका थिए ।
कोटेश्वरका स्थानीयले स्वःस्फूर्त ढंगले जुलुस निकालेका हुन् ।
लामो प्रतीक्षापछि छोटो समय काठमाडौंमा पानी आए पनि मेलम्चीको २०७८ सालको बाढीले मुहान बगाइदिएपछि मेलम्चीको पानी आउन सकेको छैन ।
