२२ जेठ २०८३, शुक्रबार
राप्रपा नेपाल आबद्ध जनवर्गीय संगठनहरुले आज साँझ काठमाडौँमा संस्कृति, पर्यटन तथा नागरिक उड्डयन मन्त्री सुदन किरातीको पुत्ला दहन गरेका छन् ।
ओमकार परिवार र सनातन धर्मालम्बीहरुको आस्था र विश्वास माथि मन्त्री किरातीले प्रहार र अपमान गरेको दाबी गर्दै उनीहरूले पुत्ला दहन गरेका हुन् । मन्त्री किरातीले आपत्तिजनक, अमर्यादित र गैरजिम्मेवारपूर्ण अभिव्यक्ति दिएको भन्दै उनीहरूले मन्त्री किरातीले तत्काल राजीनामा दिनुपर्ने माग गरेका छन् । राजीनामा नदिएमा प्रधानमन्त्रीले तुरुन्तै बर्खास्त गर्नु पर्ने उनीहरूको भनाई छ ।
काठमाडौँको चाबहिलमा भएको प्रदर्शनमा प्रदर्शनकारीहरूले मन्त्री किरातीको विरोधमा चर्का नाराबाजी गरेका थिए ।
