सातै प्रदेशका मुख्यमन्त्रीहरू बागमती प्रदेशको राजधानी हेटौंडामा भेला भएका छन् । केन्द्र सरकारले प्रदेशलाई अधिकार हस्तान्तरण नगरेको भन्दै दबाब दिन उनीहरू हेटौंडामा भेला भएका हुन् । 

अन्तर प्रदेश मुख्यमन्त्रीहरूको भेला बिहीबारबाट शुरू भएको थियो । उनीहरूको बैठक आज पनि जारी रहनेछ । 

संघीयता कार्यान्वयनमा देखिएका अस्पष्टता र दोहोरोपन हटाउनुपर्ने, तीन तहका साझा सूचीमा रहेका अधिकारसम्बन्धी कानुन निर्माणमा सहकार्य गर्नेुपर्नेजस्ता विषयमा दबाब दिने उद्देश्यले मुख्यमन्त्रीहरू भेला भएका हुन् । 

यसअघि गत असारमा मुख्यमन्त्रीहरूको पोखरा बैठकले गरेको ६ बुँदे निर्णय कार्यान्वयनमा संघ सरकारले खासै चासो नदिएको उनीहरूको गुनासो छ ।

गत असार १५ मा पोखरामा बसेको मुख्यमन्त्रीहरूको बैठकले संघीयता कार्यान्वयनमा आवश्यक देखिएका विषयहरू ६ महिनाभित्र कार्यान्वयन गर्नुपर्ने निर्णय गरेको थियो ।