२४ जेठ २०८३, आइतबार
कोरियामा रोजगारीका लागि लिइने ईपीएस परीक्षामा आवेदन दिएका सबै आवेदकलाई परीक्षामा सामेल गराउन उच्च अदालत पाटनले आदेश दिएको छ ।
परीक्षामा सामेल हुन नपाएको भन्दै १८ आवेदकले उच्च अदालतमा पाटनमा दिएको रिटको सुनुवाइ गर्दै अदालतले शुक्रवार यस्तो आदेश दिएको हो ।
अदालतको आदेशसँगै अब सिपबिल्डिङमा परीक्षा दिएकाहरूले पनि कोरिया भाषा परीक्षामा भाग लिन पाउने भएका छन् ।
सिपबिल्डिङमा फेल भएका करिब ३० हजार जना सबै परीक्षामा सामेल हुन पाउने भएका छन् । यसअघि ईपीएस कोरिया शाखाले उनीहरूको आवेदन रद्द गर्दै परीक्षा दिन नपाउने प्रावधान राखेको थियो ।
परीक्षामा फारम भर्न नपाएको भन्दै आजै बालकुमारीमा आवेदकहरूले आन्दोलन गरेका थिए ।
आन्दोलनको क्रममा भौतिक पूर्वाधार तथा यातायात मन्त्री प्रकाश ज्वालाको गाडी जलेको थियो भने प्रहरीले हस्तक्षेप गरेपछि २ जनाको मृत्यु भएको छ ।
हेर्नुहोस् आदेश
