नेकपा (एमाले)को सचिवालय बैठकले ६ नेतालाई केन्द्रीय सदस्यमा मनोनीत गरेको छ । 

प्रदेश अधिवेशन भएपछि जिम्मेवारीबाट बाहिरिएका विभिन्न प्रदेशमा नेतालाई केन्द्रीय सदस्यमा मनोनीत गरिएको महासचिव शंकर पोखरेलले जानकारी दिए । 

‘प्रदेश अधिवेशनपछि कतिपय प्रदेशका अध्यक्ष जिम्मेवारबाट बाहिरनुभएको छ । उहाँहरूलाई केन्द्रीय समितिमा मनोनयन गरिएको छ,’ शुक्रवार पार्टी कार्यालय च्यासलमा बैठकका निर्णय जानकारी गराउँदै उनले भने । 

पोखरेलका अनुसार कोशी प्रदेशबाट तुलसीप्रसाद न्यौपने, बागमतीबाट केशवराज पाण्डे, कर्णालीबाट विनोद शाह, सुदूरपश्चिमबाट दामोदर भण्डारी र मधेशबाट राम अवतार यादवलाई केन्द्रीय सदस्यमा मनोनीत गरिएको एमालेले जनाएको छ । 

त्यस्तै पार्टी काममा रहेको भन्दै झापाका अध्यक्ष दीपक कार्कीलाई पनि केन्द्रीय सदस्यमा मनोनीत गरिएको जानकारी पोखरेलले दिए ।

राष्ट्रियसभाका १९ वटै सिटमा उम्मेदवारी दिने एमालेको निर्णय