०३ साउन २०८३, आइतबार
काठमाडौंबाट बैंकक जान लागेको नेपाल वायुसेवा निगमको एयरबस ३२० जहाजमा प्राविधिक समस्या देखिएको छ ।
साेमवार दिउँसो बोर्डिङ पास पूरा भइसकेको अवस्थामा हाइड्रोलिकमा समस्या आएपछि अहिले परीक्षण भइरहेको छ ।
‘प्राविधिक समस्या देखिएकाे छ, एक/डेढ घन्टा अझै लाग्छ’, नेपाल नागरिक उड्डयन प्राधिकरणका प्रवक्ता जगन्नाथ निरौलाले भने ।
उडान नम्बर आरए ४०१ रहेको यो जहाजबाट १५० यात्रु थाइल्याण्ड जान टिकट काटेका थिए ।
जहाजको समस्या समाधान नभए अर्को विकल्पमा यात्रुलाई उडान व्यवस्थापन गर्ने तयारी भइरहेको निगमले जनाएको छ ।
