२४ जेठ २०८३, आइतबार
रियल म्याड्रिड पुनरागमन जीत निकाल्दै स्पेनिस ला लिगा फूटबलको शीर्ष स्थानमा उक्लिएको छ ।
रियलले शनिवार लास पालमासविरुद्ध एक गोलले पछि परेको अवस्था उल्टाउँदै जीत हासिल गरेको हो ।
यस क्रममा रियलले घरेलु टोली पालमासलाई २–१ गोल अन्तरले हराएको हो ।
रियलको जीतमा भिनिसियस जुनियर र औरेलिन चुवामेनीले गोल गरे ।
खेलमा पालमासका लागि जाभियर मुनोजले गोल गर्दै अग्रता दिलाएका थिए । उनले ५३औं मिनेट अग्रता दिलाएका हुन् ।
तर रियलले दुई गोल गर्दै जीत निकाल्यो । ६५औं मिनेटमा गोल गर्दै भिनिसियसले खेललाई बराबरीमा ल्याएका थिए ।
दोस्रो गोल रियलले ८४औं मिनेटमा गर्यो । चुवामेनीले हेडर मार्फत गोल गर्दै रियललाई जीत दिलाए ।
शनिवार राति नै भएको खेलमा बार्सिलोना भने घरेलु मैदानमै भिल्लारियलसँग ५–३ गोल अन्तरले पराजित भएको छ ।
जीतपछि रियल २१ खेलमा ५४ अंक सहित तालिकाको शीर्ष स्थानमा उक्लिएको छ । दोस्रो स्थानमा रहेको जिरोनाको समान २१ खेलमा ५२ अंक छ । बार्सिलोना ४४ अंकसहित तेस्रो स्थानमा छ ।
