११ साउन २०८३, सोमबार
इरानका विदेशमन्त्री हुसेन आमिर अब्दुल्लाहियान पाकिस्तान पुगेका छन् । पाकिस्तानका विदेशमन्त्री जलील अब्बास जिलानीको निमन्त्रणामा अब्दुल्लाहियान सोमबार इस्लामावाद पुगेका हुन् ।
भ्रमणका क्रममा विदेशमन्त्री अब्दुल्लाहियानले पाकिस्तानी विदेशमन्त्री जिलानीसँग द्विपक्षीय वार्ता गर्ने र प्रधानमन्त्री अनवारुल हक कक्कडसँग भेटवार्ता गर्ने बीबीसीले जनाएको छ ।
दुवै देशले एकअर्काको सीमामा प्रवेशगरी मिसाइल हमला गरेपछि उनी पाकिस्तान पुगेका हुन् ।
यसै महिना इरानले पाकिस्तानको बलुचिस्तान क्षेत्रमा मिसाइल प्रहार गरेको थियो । आक्रमणमा दुई बालबालिकाको मृत्यु भएको थियो ।
यसपछि पाकिस्तानले पनि इरानमा मिसाइल प्रहार गरेको थियो । पाकिस्तानले इरानको सिस्तान बलुचिस्तान प्रान्तको पञ्जगुर क्षेत्रमा यस्तै हमला गरेको थियो ।
