१९ असार २०८३, शुक्रबार
भारत आइसीसी यू–१९ विश्वकप क्रिकेटको फाइनलमा प्रवेश गरेको छ। दक्षिण अफ्रिकामा जारी प्रतियोगितामा घरेलु टोलीलाई २ विकेटले हराउँदै भारत फाइनल प्रवेश गरेको हो ।
२४५ रनको जवाफी लक्ष्य भारतले ४८.५ ओभरमा ८ विकेट गुमाएर पूरा गर्यो ।
भारतलाई जिताउन कप्तान उदय शरण र सचिन दासले राम्रो प्रदर्शन गरे । खराब सुरुआत गरेको भारतलाई सचिन र दासले सम्हालेका थिए ।
टस हारेर पहिला ब्याटिङ गरेको दक्षिण अफ्रिकाले निर्धारित ओभरमा ७ विकेट गुमाएर २४४ रन बनाएको थियो ।
दक्षिण अफ्रिकाका ओपनर लुआन ड्रे प्रिटोरियसले सर्वाधिक ७६ रन बनाए । यसैगरी रिचर्ड सेलेट्सवेनले ६४ रन बनाए ।
भारतका राज लिम्बानीले सर्वाधिक ३ विकेट लिँदा मुशेर खानले २ विकेट हात पारे । नमन तिवारी र सौम्य पाण्डेले एक एक विकेट लिए ।
