काठमाडौं, २० असोज— नेपाली सेनाले वर्तमान राजनैतिक घटनाक्रमप्रति  संगठनको कुनै सरोकार नरहेको स्पष्ट पारेको छ ।
केही अनलाईन सञ्चार माध्यमहरुले विकसित राजनैतिक विषयवस्तुसँग जोडी आफ्नो व्यवसायिक तथा ऐतिहासिक छबिमा नै आँच पुग्ने गरी तथ्यहिन समाचार प्रकाशित गरेको भन्दै सेनाले ध्यानाकर्षण भएको जनाएको छ ।
सैनिक जनसम्पर्क निर्देशनालयले शुक्रबार एक विज्ञप्ति जारी गर्दै सेनाले नेपालको संविधान प्रति सदा प्रतिबद्ध, देश र जनता प्रति समर्पित, इमान्दार, बफादार तथा गैह्र राजनैतिक व्यवसायिक सैनिक सङ्गठनको रुपमा ईतिहास कालदेखि नै आफ्नो जिम्मेवारी निर्वाह गर्दै आईरहेको अवगत गराएको छ ।
विज्ञप्तिमा सेना नेपालको संविधान, नेपाली जनता तथा आफ्नो गौरवमय ऐतिहासिक परम्परा प्रति प्रतिबद्ध रहेकोे पनि उल्लेख गरिएको छ ।