कात्तिक १८, २०८०
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
काठमाडाैं | फागुन २, २०८०
‘लोकान्तर राउण्ड अप’मा पाठकवृन्दलाई स्वागत छ । सधैँझैँ आज पनि हामी बितेको २४ घण्टाका मुख्यमुख्य घटनाक्रमसहित उपस्थित भएका छौँ ।
राप्रपाले मेडिकल व्यवसायी समेत रहेका राष्ट्र, राष्ट्रियता, धर्म संस्कृति र नागरिक बचाउ अभियानका संयोजक दुर्गा प्रसाईंलाई पार्टीमा भित्र्याउनका लागि पहल थालेको छ । त्यसका लागि राप्रपाले एक वार्ता समिति नै गठन गरेको छ । राप्रपा प्रवक्ता मोहन श्रेष्ठका अनुसार समितिमा उपाध्यक्ष हेमजंग गुरुङ र महामन्त्री धवलशमशेर राणा रहेका छन् । समितिमार्फत प्रसाईंसँग वार्ता हुने र मिलेर जान पहल हुने बताइएको छ ।
००००
काठमाडौँ महानगरपालिकाका मेयर बालेन शाह कार्यपालिकाको बैठकलाई लिएर आक्रोशित बनेका छन् । कार्यपालिका बैठकमा शिक्षा विभाग प्रमुख सीताराम कोइरालालाई कारबाही प्रक्रिया अघि बढाउने प्रस्ताव लगेका बालेन सो प्रस्ताव पारित हुन नसकेपछि आक्रोशित भएका हुन् ।
बैठकमा सदस्यहरुले कारबाही प्रक्रिया अघि बढाउन आनाकानी गरेपछि लामो समय बादविवाद भएको थियो । अन्ततः आफ्नो प्रस्ताव पारित नहुने देखेपछि शाहले सुशासन समितिमा प्रस्ताव पठाउने निर्णय गराएका छन् ।
आफ्नो प्रस्ताव पारित नभएपछि शाहले सामाजिक सञ्जालमार्फत वडाध्यक्षहरु पार्टीका कर्मचारीलाई जोगाउन लागिपरेको आरोप लगाएका छन् ।
००००
पाल्पाको तिनाउ गाउँपालिकामा क्षमताभन्दा बढी यात्रु बोकेको यात्रुबहाक जीप दुर्घटना हुँदा मृत्यु हुनेको संख्या १० जना पुगेको छ । ८ जनाको घटनास्थलमै मृत्यु भएकोमा २ जनाको उपचारका क्रममा ज्यान गएको हो । तिनाउ गाउँपालिका–६ मस्यामको सिखरडाँडा जाँदै गरेको जीप मंगलबार साँझ चिदिस लुम्पेकडाँडामा दुर्घटनामा परेको हो । १३ सिट क्षमताको जिपमा २७ जना यात्रु सवार थिए ।
००००
प्रहरी प्रधान कार्यालयले ७८ जना प्रहरी उपरीक्षक (एसपी)को सरुवा गरेको छ । प्रहरी महानिरीक्षको मंगलबारको निर्णयअनुसार कार्यालयले ७८ एसपीको सरुवा गरेको हो ।
००००
विशेष अदालतले पशुपन्छी बजार प्रवद्र्धन निर्देशनालय हरिहरभवन, ललितपुरका कार्यक्रम निर्देशक बलराम थापा क्षेत्रीसहित पाँच जनालाई भ्रष्टाचार मुद्दामा सफाइ दिएको छ ।
विशेष अदालतका न्यायाधीश टेकनारायण कुँवर, तेजनारायण सिंह राई र मुरारीबाबु श्रेष्ठले इजलासले थापासहितलाई सफाइ दिएको हो ।
००००
काठमाडौँ महानगरपालिकाका मेयर बालेन शाह र धरान उपमहानगरपालिकाका मेयर हर्क साम्पाङबीच भेटवार्ता भएको छ ।
साम्पाङले सामाजिक सञ्जालमार्फत आफूहरुबीच मंगलबार काठमाडौँमा भेटवार्ता भएको जानकारी गराएका छन् । बालेन केही नबोलेपनि साम्पाङले नयाँ पार्टी खोल्ने बारेमा बहस चलाउँदै आएका छन् । यस्तै दुई जनाबीच भेटवार्ता बाक्लिँदै आएको छ । गत निर्वाचनमा दुबै मेयरले लौरो चिह्नबाट चुनाव लडेका थिए ।
००००
नेपाल प्रहरीले चालु आर्थिक वर्षको साउनदेखि माघसम्मको ७ महिनाको अवधिमा ५ लाख ५० हजार ६० जनालाई अनलाइनबाट प्रहरी चारित्रिक प्रमाणपत्र उपलब्ध गराएको छ । सो अवधिमा ७ लाख १० हजार ९४४ जना नेपाली तथा विदेशी नागरिकहरूबाट अनलाइन आवेदन प्राप्त भएका थिए ।
००००
नेकपा माओवादी केन्द्रको विधान अधिवेशनमा पेश भएको विधान मस्यौदामा छलफल गर्न २० वटा समूह गठन भएका छन् ।
पार्टी अध्यक्ष पुष्पकमल दाहाल प्रचण्डले मस्यौदा पेश गरेपछि छलफलका लागि २० वटा समूह गठन भएको माओवादीले जनाएको छ ।
माओवादीका विधान अधिवेशनमा एक हजार दुई सय हाराहारी प्रतिनिधि सहभागी छन् ।
समूह बनेपछि प्रत्येकमा ५५ जनासम्म सदस्य हुने माओवादीले जनाएको छ । समूहमा भएको छलफलको निचोडलाई टोली नेताले बैठकमा प्रस्तुत गर्नेछन् ।
००००
प्रधानमन्त्री पुष्पकमल दाहाल प्रचण्डले सहकारी र लघुवित्तबाट पीडित भएका लाखौं नेपालीलाई न्याय दिन आफैं सक्रिय भइरहेको बताएका छन् । मंगलबार बिहान बालुवाटारमा राष्ट्रिय स्वतन्त्र पार्टीका सभापति रवि लामिछाने, उपसभापति डा स्वर्णीम वाग्लेसहितको टोलीको सुझावपत्र बुझ्दै प्रधानमन्त्रीले सहकारी र लघुवित्तबाट पीडित भएका लाखौं नेपालीलाई न्याय दिन आफैं सक्रिय भइरहेको बताएका हुन् ।
००००
रुबिना क्षेत्रीको कीर्तिमानी शतकको मद्दतमा नेपाली महिला टोलीले माल्दिभ्सको महिला टोलीलाई २१४ रनले पराजित गरेको छ ।
मलेसियामा जारी एसीसी वुमन्स प्रिमियर कप क्रिकेट प्रतियोगितामा नेपालले दिएको २२८ रनको विजयी लक्ष्य पछ्याएको माल्दिभ्स १३ रनमा अलआउट भयो ।
००००
नेपाल स्टक एक्सचेन्ज (नेप्से) परिसूचक ३० दशमलव ५६ अङ्कले घटेर दुई हजार ७० दशमलव ५९ को विन्दुमा कायम भएको छ ।
मंगलबार तीन सय पाँच कम्पनीका एक करोड २१ लाख ६५ हजार दुई सय दुई कित्ता शेयर ८२ हजार आठ सय ९९ पटक खरिद बिक्री भएका छन् ।
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...