कात्तिक २१, २०८०
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
काठमाडाैं | फागुन ५, २०८०
आईसीसी क्रिकेट विश्वकप लिग–२ एक दिवसीय शृङ्खलाअन्तर्गत दोस्रो खेलमा नेदरल्यान्ड्सविरुद्ध जीत निकाल्दा नेपाल बलिङ र ब्याटिङ दुवैमा अब्बल देखिएको छ । भारतमा गत अक्टोबर र नाेभेम्बरमा भएको विश्वकप खेलेको नेदरल्यान्ड्सविरुद्ध ९ विकेटको सानदार जीत निकाल्दा नेपाली खेलाडीले बलिङ र ब्याटिङ दुवैमा अब्बल प्रदर्शन गरेका हुन् ।
नेदरल्यान्ड्सले दिएको १३८ रनको सामान्य लक्ष्य नेपालले १५.२ ओभरमा मात्र १ विकेट गुमाएर १४१ बनाउँदै सजिलै पूरा गर्यो ।
नेपालका लागि अनिल साह र आसिफ शेखले नटआउट अर्धशतक प्रहार गरे ।
ओपनर कुशल भुर्तेलले १० बलमै २८ रन बनाएर सनसनी मच्चाए । ११ औँ बल खेल्दा उनी आउट हुन पुगे ।
यस्तै अनिलले ३६ बलमा सर्वाधिक ५७ रन बनाए । अनिलले ६ चौका र ४ छक्का प्रहार गरेर खेल सिध्याए ।
यस्तै आसिफले ४५ बलमा ५२ रन जोडे । उनले ८ चौका र १ छक्का प्रहार गरे ।
कीर्तिपुरस्थित त्रिवि क्रिकेट मैदानमा शनिवार बिहान नेपालले टस जितेर बलिङ रोजेपछि ब्याटिङ गरेको नेदरल्यान्ड्स ३९ ओभरमा १३७ रन बनाउँदा अलआउट भएको थियो ।
यस्तै कुशलले २ चौका र ३ छक्का प्रहार गरेका थिए ।
यसअघि नेपालले उत्कृष्ट बलिङ गर्दै नेदरल्यान्ड्सलाई शुरूआतदेखि नै दबाबमा राखेको थियो । नेपाली बलरसामु नेदरल्यान्ड्सका ब्याटर खुलेर खेल्न सकेनन् ।
नेदरल्यान्ड्सका लागि कप्तान स्कट एडवार्ड्सले सर्वाधिक ३३ रन जोडे । त्यस्तै, बास डे लीडेले २७ रन बनाए । सिब्रान्ड इंगेलब्रेच्टले २३ रन बनाए । अन्य ब्याटरले व्यक्तिगत १५ रन पनि कटाउन सकेनन् ।
नेपालका लागि कुशल भुर्तेलले सर्वाधिक ४ विकेट लिए । ७ ओभर बलिङ गर्दा उनले २.८५ को इकोनमी राखे । पार्टटाइम बलरको रुपमा रहेका कुशलको यो अहिलेसम्मकै उत्कृष्ट प्रदर्शन हो । ब्याटिङ पनि फिस्फोटक गरेका उनी खेलका पनि उत्कृष्ट खेलाडी चुनिए ।
यस्तै ललित राजवंशीले २ विकेट लिए । सोमपाल कामी र कप्तान रोहितकुमार पौडेलले १-१ विकेट लिए । नेदरल्यान्ड्सका २ जना खेलाडी रनआउट भए ।
लिग–२ को पहिलो खेलमा भने नेपाल नामिबियासँग पराजित भएको थियो । दोस्रो खेलमा बलियो टोली नेदरल्यान्ड्सविरुद्ध सानदार प्रदर्शन गरेको छ । नेदरल्यान्ड्स त्यही टोली हो जसले गत विश्वकपमा दक्षिण अफ्रिका र बंगलादेशजस्ता टोलीलाई हराएको थियो ।
यस जीतसँगै नेपालले लिग– २ मा महत्वपूर्ण ३ अंक जोडेको छ । यसअघि अंक तालिकाको पुछारमा रहेको नेपाल दोस्रो स्थानमा उक्लिएको हो । पहिलो स्थानमा यसअघि नेपाललाई हराएको नामिबिया छ ।
नेपालले शनिवार प्लेइङ ११ मा परिवर्तन गरेको थियो । यसक्रममा दीपेन्द्रसिंह ऐरी र देव खनाललाई खेलाएको थियो । पछिल्लो खेलबाटै करण केसी र पवन सर्राफ भने बाहिर छन् ।
यस्तो थियो नेपालको प्लेइङ ११:
कप्तान रोहित पौडेल, आसिफ शेख, देव खनाल, अनिल साह, कुशल भुर्तेल, कुशल मल्ल, भीम सार्की, दीपेन्द्र सिंह ऐरी, गुलशन झा, सोमपाल कामी र ललित राजवंशी ।
बेन्चमाः
आरिफ शेख, पवन सर्राफ, सूर्य तामाङ र करण केसी ।
अब घरेलु टोली नेपालले यही फागुन ७ गते नामिबियासँग र १३ गते फेरि नेदरल्यान्ड्ससँग खेल्नेछ ।
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...