प्रमुख प्रतिपक्षी दल नेकपा एमालेले भ्रष्टाचार आशंकामा अख्तियार दुरुपयोग अनुसन्धान आयोगले बयान लिएका स्वास्थ्य मन्त्री मोहन बस्नेतलाई बर्खास्त गर्न प्रधानमन्त्री पुष्पकमल दाहाल ‘प्रचण्ड’को ध्यानाकर्षण गराएको छ । 

आइतवार बसेको प्रतिनिधि सभा बैठकको शुरूमै सभामुखसँग समय लिएर एमाले सचेतक महेश बर्तौलाले मन्त्री बस्नेतको राजीनामा मागेका हुन् । राजीनामा नगरे प्रधानमन्त्रीले बर्खास्त गर्नुपर्ने माग उनले गरे । 

‘प्रधानमन्त्रीज्यू यहाँ हुनुहुन्छ, उहाँको क्याबिटेनका मन्त्री भ्रष्टाचार र आर्थिक अनियमितताको आशंकामा अख्तियारमा जोडिएका छन् । अख्तियारले बयानमा बोलाएको व्यक्तिलाई मन्त्रीको रूपमा राखेर सुशासनको सुघा रटाई सुन्न तयार छैनौं,’ बर्तौलाले भने । 

‘मन्त्रीहरू बयान दिन जाने, सरकार जहाँ हरियो घाँस देख्यो त्यहाँ दौडिने अवस्थामा पुग्यो,’ बर्तौलाले भने । 

टेरामक्स खरिद प्रकरणमा मन्त्री समेत रहेका कांग्रेस सांसद बस्तेतसँग अख्तियारले बयान लिएको थियो ।