काठमाडौँ, २३ मंसिर– नेपालमा आउँदो वर्ष अन्तर्राष्ट्रिय स्तरको भेजफेस्ट गरिने भएको छ । ‘एसिया प्रशान्त महासागरीय क्षेत्र’को शाकाहारी सम्मेलन नेपालमा हुन लागेको नेपाल शाकाहारी सङ्घका उपाध्यक्ष कृष्ण गुरुङले बताएका छन् । उनका अनुसार शाकाहारी भोजनलाई अपनाएर विश्वको वातावरण, मानव स्वास्थ्य र प्राणीप्रेमलाई प्रवद्र्धन गर्ने उदेश्यले नेपालमा अन्तर्राष्ट्रिय स्तरको सो महोत्सव आयोजना गरिन लागेको हो । यस्तो महोत्सवले नेपालको पर्यटन प्रवद्र्धनमा ठूलो सहयोग पुग्ने  कृष्ण गुरुङले बताए । भेजफेस्टमा शाकाहारी जीवनसैलीबारेको अन्तर्राष्ट्रिय सम्मेलन हो । सम्मेलनसँगै शाकाहारी खाना महोत्सव हुने गुरुङले बताए ।

सोही महोत्सवलाई सफल पार्ने उदेश्यले यही पुष २ गते सङ्घले काठमाडौंको साँखुदेखि बज्रयोगिनी हुँदै मणिचुड डाँडासम्म हाइकिङ कार्यक्रम समेत गर्ने भएको छ । हाइकिङका क्रममा डाँडामा पुगेर योग समेत गर्ने कार्यक्रम रहेको बताइएको छ । बिहान ७ बजे काठमाडौंको भृकुटीमण्डपको चौरमा भेटेर त्यहाँबाट साँखुसम्म गाडीमा जाने र त्यहाँबाट हाइकिङ शुरु हुने गुरुङले बताए । एक दिने हाइकिङ कार्यक्रममा खाना, पानी, व्यावसायिक फोटोग्राफी र सामान्य उपचारको व्यवस्था रहेको गुरुङले बताए ।

कार्यक्रममा कसरी सहभागी हुने भन्नेबारे नेपाल शाकाहारी संघको फेसबुक पेज https://www.facebook.com/groups/VegNepal/ मा पुगेर जानकारी पाउन सकिनेछ ।