२६ जेठ २०८३, मंगलबार
स्थानीय प्रशासनले वीरगञ्ज महानगरपालिकाका केही स्थानमा कर्फ्यु लगाएको छ ।
जिल्ला प्रशासन कार्यालय पर्साले वीरगञ्ज महानगरपालिकाको केही ठाउँमा सोमवार साँझ ५ बजेदेखि कर्फ्यु आदेश जारी गरेको छ ।
महानगरले पूर्वमा बाराको सिमाना जोडिएको नगवा चोक, पश्चिममा तिलावे पुल, उत्तरमा परवानीपुर र दक्षिणमा मितेरी पुल भन्सारसम्मको क्षेत्रमा कर्फ्यु आदेश जारी गरेको हो ।
रौतहटको ईशनाथ नगरपालिकाको मोतिपुरमा भएको विवादलाई लिएर वीरगञ्जमा पनि प्रदर्शन भएपछि स्थानीय प्रशासनले कर्फ्यु आदेश जारी गरेको हो ।
वीरगञ्जमा भएको प्रदर्शनका क्रममा विवाद र झडपको स्थिति आएकाले कर्फ्यु आदेश जारी गर्नु परेको प्रमुख जिल्ला अधिकारी दिनेशसागर भुसालद्वारा जारी विज्ञप्तिमा उल्लेख छ ।
