२८ जेठ २०८३, बिहीबार
पूर्वी अफगानिस्तानको नुरिस्तान प्रान्तको नोर्गाराम जिल्लामा आइतवार पहिरो जाँदा कम्तीमा २५ जनाको मृत्यु भएको छ । यस्तै १० जना घाइते भएका स्थानीय प्रशासक कारी हबिबुल्लाह साबिरले सोमवार बताएका छन् ।
अधिकारीका अनुसार आइतवार राति नोरगरम जिल्लाको तातिन दारा क्षेत्रमा भारी वर्षा र हिउँ परेपछि भएको दुर्घटनामा महिला तथा बालबालिकालगायतका धेरै व्यक्ति परेका छन् । उनीहरूका अनुसार उद्धार कार्य जारी छ ।
पहिरोका कारण कम्तीमा २० वटा घरहरू क्षतिग्रस्त भएका छन् ।
घटनाको पुष्टि गर्दै राष्ट्रिय विपद् अधिकारीका प्रवक्ता मुल्लाह जानान स्याकले दुर्घटनामा परी मृत्यु हुनेको सङ्ख्या परिवर्तन हुनसक्ने बताए ।
राजधानी शहर काबुलसहित अफगानिस्तानका केही भागहरूमा आइतवार दिउँसोदेखि वर्षा र हिमपात भइरहेको छ ।
