कात्तिक २७, २०८०
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
काठमाडाैं | फागुन ८, २०८०
कोही मान्छेले किन चोरी गर्छ ? सामान्य जवाफ आउँछ– बेरोजगारी वा आर्थिक समस्याले । कुलतमा फसेका व्यक्तिले आफ्नो उक्त आवश्यकता परिपूर्तिका लागि पनि चोरी गर्ने गरेको पाइन्छ । तर, पछिल्लो समय प्रहरीले यस्ता एक व्यक्तिलाई पक्राउ गरेको छ, जसले मोजमस्तीका लागि चोरीलाई शोख बनाएका छन् ।
डान्सबार र रेस्टुरेन्टमा पुगेर मोजमस्ती गर्न, केटी लिएर घुम्न चोरीलाई पेशा बनाएका कञ्चनपुरको शुक्लाफाँटा नगरपालिका– ८ का २२ वर्षीय लोकसिंह ठगुन्नालाई प्रहरीले फागुन ३ गते पक्राउ गरेर सार्वजनिक गरेको छ ।
उनले २०७५ सालदेखि चोरी गरेर काठमाडौं, पोखरा, नेपालगञ्जका ठूल्ठूला डान्सबार, दोहोरी साँझ र रेस्टुरेन्टमा मोजमस्ती गर्ने गरेको पाइएको प्रहरीले जनाएको छ ।
प्रहरीले उनलाई २० लाख चोरी गरेको आरोपमा ‘अप्रेसन सी४’अन्तर्गत पक्राउ गरेको हो । काठमाडौंको एक रेस्टुरेन्टको टेबल नम्बर सी४ मा क्लु भेटिएकाले त्यही नामबाट अपरेसन चलाइएको काठमाडौं प्रहरी परिसरका प्रमुख प्रहरी वरिष्ठ उपरीक्षक (एसएसपी) भूपेन्द्र खत्रीले लोकान्तरसँग बताए ।
‘हामीले अनुसन्धान गरेर उनी भएको क्लु भेट्टाउँदा एक रेस्टुरेन्टको टेबल नम्बर सी ४ मा भेटिएकाले त्यही आधारमा अपरेसनको नाम राखेका हौं,’ एसएसपी खत्रीले भने ।
उनका अनुसार माघ २८ गते राति कालिमाटीमा रहेको मनोजकुमार गुप्ताको अमन खाद्य स्टोरबाट २० लाख रुपैयाँ चोरी भएको थियो । मनोजले बिहान प्रहरीलाई खबर गरेपछि प्रहरीले त्यहाँ रहेको सीसीटीभी फूटेजका आधारमा अनुसन्धान शुरू गरेको थियो ।
‘हामीले त्यहाँ भएको सीसीटीभीमा देखिएका व्यक्तिको हुलियाका आधारमा उपत्यकामा चोरी गर्ने व्यक्तिहरूको खोजी गर्यौं,’ एसएसपी खत्रीले भने, ‘मोडस अपरेन्डी (आपराधिक कार्यविधि अनुसन्धान)का आधारमा खोजी गरेका थियौं ।’
प्रहरीले हुलियाका आधारमा काठमाडौंमा रहेका डान्सबार तथा रेस्टुरेन्टमा पुगेर खोजी शुरू गर्यो । खोजी गर्ने क्रममा एक रेस्टुरेन्टको सीसीटीभी फूटेजमा त्यस्तै हुलियाका व्यक्ति देखिए । ‘खाद्य स्टोरमा देखेको हुलिया रेस्टुरेन्टमा देखियो, त्यसैका आधारमा खोजी गरेका हौं,’ एसएसपी खत्रीले भने ।
त्यसपछि खोजी गर्दै जाँदा ती व्यक्ति काठमाडौंबाट कैलाली गएको तथ्य फेला पर्यो । जिल्ला प्रहरी कार्यालय कैलालीको सहयोगमा कैलालीस्थित सत्कार होटल तथा रेस्टुरेन्टको कोठा नम्बर १२० बाट ठगुन्नालाई पक्राउ गरिएको हो । प्रहरीले उनको साथबाट झण्डै १३ लाख रुपैयाँ नगद, आइफोन र रेडमी मोबाइल तथा कपडा बरामद गरेको छ ।
‘उसले काठमाडौंको बसपार्कबाट आइफोन, रेडमीको मोबाइल र १ लाख रूपैयाँको कपडा किनेको देखिन्छ,’ एसएसपी खत्रीले भने, ‘उसको साथबाट १२ लाख ९६ हजार ५६५ रुपैयाँ नगद बरामद भएको छ ।’
ठगुन्ना यसअघि चोरीकै अभियोगमा कारागार बसेर छुटेको पाइएको छ । प्रहरी वृत्त महाराजगञ्जले पक्राउ गरेर उनलाई चोरीको मुद्दा चलाएको थियो ।
उनी २०७५ मा पोखरामा पनि पक्राउ परेको ‘रेकर्ड’ फेला परेको छ । त्यतिबेला उनलाई इलाका प्रहरी कार्यालय बैदामले पक्राउ गरेको थियो ।
तत्कालीन इप्रका बैदामका प्रमुख डीएसपी नविन कार्कीका अनुसार त्यो समयमा उनले २ वटा सहकारी र मनी ट्राफन्सफरबाट २० लाख रुपैयाँ चोरी गरेका थिए ।
‘त्यो बेलामा ठगुन्ना २ वटा सहकारीबाट ९/९ लाख रुपैयाँ र मनी ट्रान्सफरबाट २ लाख चोरी गरेर फरार भएको थियो,’ डीएसपी कार्कीले लोकान्तरसँग भने, ‘त्यो पैसा काठमाडौंमा खर्च गरेर पोखरा फर्किएपछि पक्राउ गरेका थियौं ।’
पोखरा फर्किँदा उनीसँग १० लाख रुपैयाँ मात्र बाँकी थियो । ‘१० लाख रुपैयाँ काठमाडौंका डान्सबारहरूमा खर्च गरेर पोखरा फर्किएको बयान उसले दिएको थियो,’ कार्कीले भने ।
ठगुन्नाले पोखरामा २ वटा होटलमा २/२ जना युवती राखेर राखेको पाइएको छ ।
‘ती युवतीहरूसँग पालैपालो रात बिताउने गरेको अनुसन्धानमा देखिएको थियो,’ अनुसन्धानमा खटिएका एक अधिकारीले लोकान्तरसँग भने ।
उनले ४ युवतीलाई पालैपालो महंगा डान्सबार तथा रेस्टुरेन्टमा लैजाने गरेका थिए ।
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
मकवानपुरको मनहरि गाउँपालिका–८ हेटौंडा–नारायगढ सडकखण्डको सिमपानीमा रोकिराखेको एक ट्रकमा अवैधरूपमा ल्याइएको लागूपदार्थ गाँजा फेला परेपछि ट्रकसहित चालकलाई स्थानीय प्रहरीले नियन्त्रणमा लिएको छ...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
मोरङमा २२ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा ग्रामथान गाउँपालिका १ लखनतरी टावर चोकका १८ वर्षीय किशोर रहेका छन् । उनलाई शुक्रवार दिउँसो पक्राउ गरिएको प्र...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...