२८ जेठ २०८३, बिहीबार
क्रान्तिकारी कम्युनिस्ट पार्टी नेपालका नेता धर्मेन्द्रप्रसाद बास्तोला सवारी ज्यान मुद्दामा दोषी ठहर भएका छन् ।
उनलाई १ वर्ष कैद र २ हजार रुपैयाँ जरिवानाको सजाय तोकिएको छ ।
दाङ जिल्ला अदालतका स्रेस्तेदार दामोदर घिमिरेका अनुसार मनोजकुमार श्रीवास्तवको इजलासले आइतवार बास्तोलालाई कैद तथा जरिवानाको सजाय सुनाएको हो ।
उनको पुनरावेदनको म्याद बाँकी नै रहेकाले तत्काल जेल भने जानु नपर्ने उनले बताए ।
पूर्वपश्चिम राजमार्गअन्तर्गत दाङको राप्ती गाउँपालिका वडा नम्बर ५ सिङ्गे नजिकै बास्तोलाले चलाएको बा ९ च ७१९८ नम्बरको गाडीले मोटरसाइकललाई ठक्कर दिँदा दाङको राप्ती गाउँपालिका वडा नम्बर ५ का २९ वर्षीय वसन्तराम चौधरीको मृत्यु भएको थियो ।
