अमेरिकी सेना कमान्डरसँग राष्ट्रपतिले भने– नेपाल शान्ति सेनामा सर्वाधिक योगदान गर्ने मुलुक भएकाेमा गर्व छ

राष्ट्रपति रामचन्द्र पौडेलसँग अमेरिकी सेनाअन्तर्गत यूएस इन्डो–प्यासिफिक कमान्डर एडमिरल जोन सी अक्यैलिनोले भेट गरेका छन् । ।

राष्ट्रपति भवन शीतल निवासमा सोमवार साँझ भएको उक्त भेटका अवसरमा राष्ट्रपति पौडेलले नेपाल र अमेरिकाबीच कूटनैतिक सम्बन्ध स्थापना भएपश्चात् दुई देशबीच मैत्रीपूर्ण र सौहार्द्रपूर्ण सम्बन्ध रही आएकामा खुशी व्यक्त गरेको उनको सचिवालयले जनाएको छ । 

साथै उनले विश्व शान्तिको मान्यताप्रति प्रतिबद्ध नेपाल संयुक्त राष्ट्रसङ्घको शान्ति सेनामा सर्वाधिक योगदान गर्ने मुलुकका रूपमा रहेको कुराले गौरवान्वित भएको बताएको राष्ट्रपति पौडेलको कार्यालयद्वारा जारी विज्ञप्तिमा उल्लेख छ ।