०८ साउन २०८३, शुक्रबार
त्रिदेशीय टी–२० सिरिज अन्तर्गतको पहिलो खेलमा नामिबियाले नेपाललाई २०७ रनको चुनौतीपूर्ण लक्ष्य दिएको छ ।
नेपाली बलर चल्न नसकेपछि नामिबियाले नेपाललाई चुनौतीपूर्ण लक्ष्य दिएको हो । कीर्तिपुरस्थित त्रिवि क्रिकेट मैदानमा टस जितेर ब्याटिङ गरेको नामिबियाले पूरै ओभर खेल्दा ४ विकेटको क्षतिमा २०६ रन जोडेको हो ।
नेपाललाई चुनौतीपूर्ण रनको लक्ष्य दिने क्रममा जान निकोल लोफ्टीले शतक प्रहार गरे । उनले ३३ बलमा एक सय रन प्रहार गरे । यस क्रममा उनले ८ छक्का र ११ वट चौका प्रहार गरे । उनी १०१ रन बनाएर आउट भए । उनले १८ बलमा ५० रन बनाएका थिए । मलान क्रगेरले पनि अर्धशतक प्रहार गरे ।
माइकल भान लिंगेनले २०, जेपी कोट्जेले ११ रन बनाए ।
सात जना बलर खेलाउँदा पनि नेपालले नाबिबियालाई कम रनका रोक्न सकेन । कप्तान रोहित पौडेलले ४ ओभरमा ३० रन दिएर २ विकेट लिए ।
अविनाश बोहोराले ४ ओभरमा ४९ रन दिँदा एक विकेट लिए ।
करण केसीको नाममा एक विकेट रह्यो । केसीले ३ ओभरमा ३२ रन दिएर १ विकेट लिए ।
सोमपाल कामीले ३ ओभरमा ३४ रन दिँदा विकेट लिन सकेनन् ।
गुल्सन झा १ ओभरमा १८ रन दिए ।
दीपेन्द्रसिंह ऐरीले ४ ओभरमा ३२ रन दिँदा विकेट लिन सकेनन् ।
आईसीसी विश्वकप क्रिकेट लीग २ मा नेपालले चारमध्ये एउटा मात्रै खेल जितेको थियो । नामिबियासँग दुई खेल हार्दा नेदरल्याण्डसविरुद्ध भने नेपालले एकमा पराजय र एक खेल जित्न पुग्यो ।
यिनै तीन टिमबीच त्रिदेशीय टी २० सिरिज भइरहेको हो ।
