०५ साउन २०८३, मंगलबार
गायक, गीतकार एवं संगीतकार नरेश खातीका दुईवटा गीत युट्युब ट्रेन्डिङमा पर्न सफल भएका छन् । उनका ‘किन रुवाको’ र ‘आउनु न फर्केर’ सार्वजनिक भएसँगै ट्रेन्डिङमा परेका हुन् ।
१२ दिनअघि सार्वजनिक ‘आउनु न फर्केर’ले सोमवार बिहानसम्म ५ लाख बढी भ्युज पाउँदै युट्युबमा संगीततर्फ ट्रेन्डिङको सातौं नम्बरमा परेको छ । यो गीतमा नरेश खाती, प्रीति बि.क. र आशा बिसीको स्वर छ ।
त्यस्तै, ३ दिनअघि सार्वजनिक ‘किन रुवाको’ झण्डै ३ लाख भ्युज पाउँदै युट्युबमा संगीततर्फ ट्रेन्डिङको तेस्रो नम्बरमा छ । यो गीतमा पूजा देवकोटा र हिमाल परियारको स्वर छ ।
