×

NMB BANK
NIC ASIA

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य नै थियौँ, सत्यबाटै आएका हौँ । सत्य नै छौँ र सत्यकै खोजमा हिँडेका छौँ । अन्य सत्य धेरै हुन सक्छन् । एउटाले देखेको वा एउटालाई लागेको सत्य अर्काेलार्ई लागेको वा अर्कोले देखेको सत्य । तर आफू भनेको आफैँ हो जुन एउटै हुन्छ । यसै पनि अरूलाई ढाँट्न सकिन्छ । कसैले केही समय ढाँट्ला, कसैलाई धेरै समय ढाँट्ला । हुन सक्छ कसैलाई सँधैभरी पनि ढाँट्न सकिएला तर आफूलाई भने मरिकाटे सकिन्न । 

Muktinath Bank

दार्शनिकहरू सत्य तीन किसिमको हुन्छ भन्छन् । व्यावहारिक सत्य, प्रातिभाषिक सत्य र पारमार्थिक सत्य । व्यावहारिक सत्य भनेको गुलियो मीठो लाग्नेलाई गुलियो नै सत्य हो भने रातो राम्रो लाग्नेलाई रातै सत्य हो । त्यस्तै तातो र जमेको  पानी छुँदा लाग्ने पानीको ज्यादा तातो ज्यादा चिसो प्रातिभाषिक सत्य हो । यस्ता सत्य परिवर्तन हुन सक्छ तर पारमार्थिक सत्य परिवर्तन हुँदैन । किनकि त्यो परम सत्य हो । सत्यको पनि सत्य । हो, आफू त्यही सत्य हो । यसलाई हामी निम्न उदाहरणबाट अझ बढी प्रष्ट हुन सक्छौँ । 


Advertisment
RMC TANSEN
IME BANK INNEWS
shivam ISLAND

मानौँ हामी कतै जाँदैछौँ । ठूलै दुर्घटनामा पर्यो । आसन्न मुत्युको मुखमा छौँ । दुर्घटा जुन पनि हुन सक्छ । हवाइजहाज, पानीजहाज, मोटर गाडी यस्तै–यस्तै । यतिबेला सर्वप्रथम के गर्छौँ ? धनसम्पत्तिको सम्झना गरिएला, घरपरिवारको सम्झना होला, साथमा भएको सन्तान र सम्पत्तिको सम्झना होला । जबसम्म सकिन्छ तिनलाई बचाउने प्रयास गर्छौँ जब सकिन्न भन्ने प्रष्ट हुन्छ तब तिनलाई त्यहीँ छाडेर आफैँलार्ई बचाउनतिर लाग्ने गर्छौँ । होकि होइन ? यदि हो भने यही नै हो आफू नै सत्य भएको पहिलो प्रमाण हो । 


Advertisment
Nabil box
Kumari

सबैले आफूलाई नै सत्य देखेकाले, सबैलाई आफू नै सत्य लागेकाले नै त त्यसलाई बचाउने प्रयास गरियो । नत्र त आफूलाई छाडेर अरूलाई नै बचाउन खोजिहालिन्थ्यो नि । आफू सत्य थियो, त्यसलाई बचाउनै पर्ने थियो, आफू रहेपछि मात्र सुन र सन्तानको अर्थ थियो  त्यसैले आफैँलाई बचाउनतिर लागियो । 

Vianet communication
Laxmi Bank

अब आउनुस् दोस्रो उदाहरण पनि हेरौँ । जस्तो– हाम्रो शरीर पञ्चमहाभूतले बनेको छ । पञ्चमहाभूतमा पृथिवी, जल, तेज, वायु र आकाश पर्छन् । यी एकपछि अर्को शूक्ष्म हुँदै गएका छन्, जुन सबै सत्य हुन् । आकाश सत्य हो । सत्य भएकैले एउटै छ र सर्वव्यापक पनि छ । भले घटाकाश र मठाकाशको कुरा गर्न सकिएला, तर ती सबै महाकाशकै अङ्ग हुन् । किनकि घटमा र मठमा आउनुपूर्व ती एउटै थिए । घट र मठको अवसानपछि पनि एउटै रहने छन् । 

वायुको अवस्था पनि त्यस्तै हो, तेजको अवस्था पनि त्यस्तै हो । जल र पृथिवीको अवस्था पनि त्यस्तै हो । यी सबै एउटै छन् र एउटै नै भएर रहेका हुन्छन् । यी सबैका परमाणु हामीमा सरेर आएका छन् । यिनैले बनाएका हुन्, यिनैले बचाएका हुन्, यिनैले बढाएका हुन् । त्यसैले आफ्ना लागि आफूभन्दा सत्य अर्को हुनै सक्दैन । आफूबाहेकलाई बनाउने पनि यिनैले भएकाले उनीहरूका निम्ति पनि उनीहरू नै सत्य बनेका हुन्छन् ।  

तेस्रो प्रमाण हो आफू भएपछि नै अरू हुने हुन् । यो पनि आफू सत्य भएको लर्तरो प्रमाण होइन । अरू पनि सत्य त हुन् तर पहिलो सत्य आफैँ हो । यसको अर्थ अन्य सत्यका महत्व छैन भन्ने होइन । उनीहरूका पनि आ–आफ्ना स्थानमा उत्तिकै महत्व छ । तर सर्वाधिक महत्व आफ्नै छ । किनकि आफू भएपछि नै अरू हुने हुन् । आफू भयो धन, सम्पत्ति, घरपरिवार सबै भए । आफू भएन केही पनि भएन । 

यी उदाहरणका लागि प्रस्तुत गरिएका केही प्रमाण हुन् । खोज्दै गए यस्ता उदाहरण सयौँ भेटिन सक्छन् । त्यसैले पहिलो कर्तव्य हो आफैँ सुध्रने, आफूलाई सुधार्ने । अरूलाई सुधार्न सकिन्न । किनकि त्यो आफ्नो हातमा छैन । आफूलाई सुधार्न भने सकिन्छ किनकि त्यो आफ्नो हातमा छ । अरूलाई सुधार्ने नै कुरा गर्ने हो भने भगवानले राम र कृष्णले त सकेका थिएन भने अरूको के कुरा । जब आफूलाई सुधार्न सकिन्छ त्यसपछि अरूलाई सुधार्नै पर्दैन । स्वतः सुध्रिँदै जान्छ । 

सत्य छोपियो सबै छोपियो । सत्य उद्घाटन भयो सबै देखियो । यही हो जीवन र जगत्को यथार्थ । जग नै बिग्रिएपछि, फेदमै कीरा लागेपछि, फेद नै कुहिएपछि, मूल नै सुकेपछि बाँकी के रह्यो र ? त्यसैले सर्वप्रथम सत्यलाई चिनौँ र त्यसैको सदुपयोग र संरक्षण गर्नेतिर लागौँ । बाँकी काम आफैँ हुँदै जान्छ । अस्तु ।

hAMROPATRO BELOW NEWS
TATA Below
फागुन २८, २०८०

उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...

पुस ११, २०८०

नेपालको सार्वजनिक प्रशासन, विशेषतः निजामती सेवामा व्यावसायिक सदाचारिता विकास भएन भन्ने प्रश्न समय समयमा उठ्दै आएको छ । कर्मचारीमा स्वाभाविक रूपमा हुनुपर्ने कार्यसम्पादनलाई व्यवस्थित बनाउने सीप, संस्कार र अनुभवजन्य...

कात्तिक ३०, २०८०

केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...

फागुन १, २०८०

गरिबको घरआँगन कसैलाई मन पर्दैन । गरिबको लुगाफाटो कसैलाई मन पर्दैन । गरिबले ठूला कुरा गरेको कसैलाई मन पर्दैन । गरिब नाचेको, गरिब हाँसेको कसैलाई मन पर्दैन । यतिखेर गरिबले लडेको जनयुद्ध दिवस पनि कसैलाई मन ...

कात्तिक २४, २०८०

राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...

पुस ४, २०८०

डिसेम्बर पहिलो साता एनसेलको माउ कम्पनी आजियाटाले आफ्नो रेनोल्ड होल्डिङ्स यूकेको शतप्रतिशत स्वामित्व गैरआवासीय नेपाली सतिशलाल आचार्यको कम्पनी स्पेक्ट्रलाइट यूकेलाई बेच्न गरेको सम्झौताबारे समाचार बाहिरिएको झन्डै ३ हप्...

ज्ञान र विज्ञानको भण्डार

ज्ञान र विज्ञानको भण्डार

बैशाख १, २०८१

एक दिन काम विशेषले नयाँ सडकतिर गएको थिएँ, मोबाइल टिङटिङ गर्‍यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

बैशाख १, २०८१

आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...

दाम्पत्य जीवनको दाम्लो

दाम्पत्य जीवनको दाम्लो

चैत २४, २०८०

दाम्पत्य जीवनको मूलभूत आधार भनेको विवाह संस्कार हो ।  यस संस्कारले उमेर पुगेका केटाकेटीलीलाई आपसमा मिलेर जीवनरथ अघि बढाउने स्वीकृति दिएको हुन्छ । यसो त संस्कारहरू धेरै छन् । तिनमा १६ संस्कार विशेष महत्व...

x