२१ जेठ २०८३, बिहीबार
रामेछापको मन्थली विमानस्थलबाट सोलुको लुक्ला जाने पर्यटकको सङ्ख्या दैनिक बढ्दै गएपछि चेकजाँचका लागि एक्स-रे मशिन राखिएको छ ।
नियमित चेकजाँच सहज बनाउने उद्देश्यले मन्थली विमानस्थलमा पहिलोपटक एक्स-रे मशिन राखिएको हो ।
मशिन नहुँदा हवाइजहाजबाट यात्रा गर्ने स्वदेशी तथा विदेशी यात्रुहरूको प्रहरीले सबै झोला खोलेर चेकजाँच गर्ने गरेको थियो ।
जहाजमा लैजान प्रतिबन्धित गरिएका सामान ओसारपसार नहोस् भनेर प्रहरीले यात्रुका झोला खेलेर नै जाँच गर्ने गरेको थियो ।
जिल्लामा मशिन प्राप्त भएपछि झोला खोलिरहनु पर्ने झन्झट नभएको र समयको समेत बचत हुने गरेको नागरिक उड्डयन प्राधिकरण रामेछापका वरिष्ठ अधिकृत उज्ज्वल गुरागाईँले बताए ।
उनका अनुसार उक्त मशिन नागरिक उड्डयन प्राधिकरण काठमाडौं रामेछापलाई उपलब्ध गराएको हो ।
