×

NIC ASIA

अस्पताल भवन निर्माणको काम अलपत्र छाडेर ठेकेदार फरार भएपछि...

काठमाडाैं | चैत २९, २०८०

Prabhu Bank
NTC
Premier Steels

भोजपुर– जिल्लाको टेम्केमैयुङ–७ कोटमा निर्माणाधीन अस्पताल भवन काम अलपत्र छाडेर निर्माण व्यवसायी (ठेकेदार) फरार भएपछि स्थानीय आक्रोशित भएका छन् । यहाँ विसं २०७८ देखि दुई वर्षभित्र सम्पन्न गर्नेगरी १५ श्ययाको अस्पताल निर्माण थालिएको थियो । तर निर्माण व्यवसायीले मैदान सम्याएर, कम्पाउण्ड र रिटेनिङ वालमात्र लगाएर सम्पर्कविहीन भएपछि स्थानीय आक्रोशित भएका हुन् ।
 
खेती गरिरहेको जग्गा अस्पताल निर्माणका लागि दिएका स्थानीयले काम अलपत्र बनेपछि निर्माण व्यवसाय लाई कारबाहीको माग गरेका छन् । काममा लापरबाही गर्ने निर्माण व्यवसायीलाई कानुनी दायरामा ल्याएर कारबाही गर्नुपर्ने स्थानीयवासी भवानी नेपालले बताए ।

Muktinath Bank

‘हामीले अस्पताल निर्माणका लागि कमाइरहेको खेतबारी दिएका थियौँ,’ उनले भने, ‘अहिले काम अलपत्र छाडेको छ । यहाँ अस्पताल निर्माण भएपश्चात् सहजता होला भनेर कुनै प्रवाह नगरी सहयोग गरेका हौँ । तर अहिले निर्माण व्यवसायी सम्पर्कविहीन छ । सरकारले निर्माण व्यवसायीलाई कारबाहीको दायरामा ल्याएर काम सञ्चालन गर्न माग गर्दछौँ ।’


Advertisment
RMC TANSEN
IME BANK INNEWS
shivam ISLAND

यहाँ देशविदेशमा रहेका कोटवासी तथा स्थानीयसँग समन्वय गरेर साढे १३ रोपनी जग्गा व्यवस्थापन गरेर अस्पताल निर्माणको काम शुरू भएको स्थानीयबासी योगेन्द्र कटुवालले बताए । स्थानीयसँग रकम सङ्कलन गरेर जग्गा खरिद गरिएको उनको भनाइ छ ।


Advertisment
Nabil box
Kumari

‘अस्पताल निर्माण हुन्छ, सुविधा पाइन्छ भनेर देशविदेशमा रहेका तथा स्थानीयसँग हारगुहार गरेर जग्गा खोज्यौँ,’ उनले भने, ‘अहिले खेती गरिरहेको जग्गा बाँझिएको छ । निर्माण व्यवसायीले निर्माणस्थलमा रहेका सामग्री उठाएर लग्यो । काम अलपत्र छ । यहाँ जसरी पनि अस्पताल निर्माण हुनुपर्छ ।’

Vianet communication

निर्माण कम्पनीलाई आवश्यक साथ सहयोग गर्दा पनि स्थानीयवासीलाई झुक्याएर सम्पर्कविहीन बनेको वडाध्यक्ष सूर्यप्रसाद नेपालले बताए । निर्माण व्यवसायीका कारण सहयोग गर्ने देशविदेशमा रहेका कोटवासीलाई काम अपलत्र भएका विषयमा जानकारी दिन नसक्ने अवस्था रहेको वडाध्यक्ष नेपालको भनाइ छ ।

‘यहाँ अस्पताल निर्माण हुने भएपछि हामी कोटवासी हर्षित थियौँ,’ वडाध्यक्ष नेपालले भने, ‘स्थानीय तहका तर्फबाट हामीले आवश्यक साथ सहयोग दिएका छौँ । निर्माण व्यवसायीले कोटवासीको विश्वासमा घात गरेको अवस्था छ । कामलाई सञ्चालन गराउन सबैले भूमिका खेल्न आवश्यक छ ।'

अस्पताल सम्झौताअनुसार २०८० सालको असार महिनामा सम्पन्न गर्नेगरी भूमि हिमालयन जेभीले निर्माणको जिम्मा लिएको थियो । सम्झौता अवधि सकिँदा करिब १० प्रतिशत काम गरेर निर्माण व्यवसायी विवश कार्की सम्पर्कविहीन बनेको गाउँपालिकाले जनाएको छ । काममा लापरबाही गर्ने निर्माण व्यवसायीलाई कानूनी दायरामा ल्याएर आवश्यक प्रक्रिया अघि बढाउने टेम्केमैयुङ गाउँपालिका उपाध्यक्ष रमादेवी राईले बताइन् । 

‘गाउँपालिकाकोतर्फबाट अस्पताललाई गुणस्तरीय ढङ्गले समयमा सम्पन्न गराउन भूमिका खेलिरहेका छौँ,’ उपाध्यक्ष राईले भनिन्, ‘कार्यपालिकाबाट निर्णय गरेर कामलाई चाँडो गर्न पत्रचार गरेका छौँ । तर अहिले निर्माण व्यवसायी सम्पर्कविहीन रहेको अवस्था छ । आवश्यक प्रक्रिया पुर्याएर कानूनी प्रक्रियाअनुसार कारबाही गर्ने तयारी गरिरहेका छौँ ।’

अस्पताल भवन समयमा सम्पन्न गराउन पहल गरेको भए पनि निर्माण व्यवसायी म्याद थप गर्नसमेत नआएको गाउँपालिका अध्यक्ष सरोज बस्नेतले बताए । पछिल्लो समयमा आएर निर्माण व्यवसायी सम्पर्कविहीन बनेको उनको भनाइ छ । गाउँपालिकाले आवश्यक सहयोग गर्दा पनि निर्माण व्यवसायीले काम अलपत्र पारेको अध्यक्ष बस्नेतले जानकारी दिए ।

‘निर्माण व्यवसायीले अस्पताल निर्माणको काममा चासो नदिएको अवस्था छ,’ अध्यक्ष बस्नेतले भने, ‘गत असारमा म्याद सकिएको छ । हामीले म्याद थपका लागि पत्रचार गर्दा गरेका छौँ । अहिले सम्पर्कविहीन बनेको अवस्था छ । यो अस्पतालका विषयमा हामी गम्भीर भएर लागेका छौँ ।’

अस्पताल निर्माणको जिम्मा लिएका निर्माण व्यवसायी विवश कार्कीका विषयमा जिल्ला प्रहरी कार्यालयमा ठगी तथा चेक बाउन्सको उजुरी परेको जिल्ला प्रहरी कार्यालय भोजपुरका प्रमुख सुदीपराज पाठकले जानकारी दिए । 

अस्पताल निर्माणको कूल लागत भ्याटबाहेक रु १० करोड १३ लाख ८३ हजार रहेको छ । हालसम्म निर्माण कम्पनीले रु ९१ लाख  भुक्तानी लगेको गाउँपालिकाले जनाएको छ । यहाँ अस्पताल बनेपछि टेम्केमैयुङको वडा नं ६,७, ५ ८ र ९ का स्थानीय लाभान्वित हुनेछन् । -रासस
 

hAMROPATRO BELOW NEWS
TATA Below
जेठ ४, २०८१

बैंकमा निक्षेप थुप्रिएको भए पनि कर्जा विस्तार हुन नसकेको अवस्थालाई सम्बोधन गर्ने गरी राष्ट्र बैंकले मौद्रिक नीतिको तेस्रो त्रैमासिक समीक्षा गरेको छ । शुक्रबार तेस्रो समीक्षा सार्वजनिक गर्दै राष्ट्र बैंकले ब्याजदर कर...

फागुन ३०, २०८०

अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...

बैशाख २०, २०८१

काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...

चैत २७, २०८०

यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...

मंसिर ४, २०८०

कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...

बैशाख ३, २०८१

नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...

मधेशमा चीनको उपस्थिति र सुरक्षा संवेदनशीलताका नाममा नेपालीले भोग्नुपर्ने सम्भावित सास्ती

मधेशमा चीनको उपस्थिति र सुरक्षा संवेदनशीलताका नाममा नेपालीले भोग्नुपर्ने सम्भावित सास्ती

जेठ १६, २०८१

जेठ ६ गते नेपाल–चीनमैत्री मञ्चद्वारा आयोजित एक कार्यक्रममा नेपालका लागि चिनियाँ राजदूत छन सोङले नेपाल एक चीन नीतिमा प्रतिबद्ध रहेको बताउनुका साथै नेपालले कुनै पनि तत्त्वलाई चीनविरुद्धको गतिविधिमा लाग्न ...

समानुपातिक, समावेशिताः सिद्धान्त र व्यवहार

समानुपातिक, समावेशिताः सिद्धान्त र व्यवहार

जेठ १२, २०८१

नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...

काग र सुगाको सन्देश

काग र सुगाको सन्देश

जेठ १२, २०८१

एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...

x