आज रामनवमी पर्व मनाइँदैछ ।

हिन्दू धर्मावलम्बीले श्रद्धापूर्वक रामको पूजा गरेर यो पर्व मनाउने गर्छन् । हरेक वर्षको चैत शुल्क नवमीमा पर्ने यस पर्वमा मर्यादा पुरुषोत्तम भगवान रामचन्द्रको स्मरण गरिन्छ । त्रेतायुगमा आजकै दिन अयोध्यामा श्रीरामको जन्म भएको पौराणिक ग्रन्थमा उल्लेख छ ।

भक्तालुजनले नदी, ताल, कुण्डमा स्नान गरी व्रत बसेर रामगीता पाठ गर्ने परम्परा रहेको छ ।​

रामनवमको अवसरमा जनकपुरस्थित राम जानकीको मन्दिरमा नेपाल तथा भारतीय नागरिकको घुइँचो लाग्ने गर्छ ।​

यसैबीच काठमाडौंको बत्तीसपुतलीस्थित राम मन्दिरमा बुधवार बिहानैदेखि भक्तजनहरूको भीड लागेको छ ।​

हेर्नुहोस् केही तस्वीरहरू 

तस्वीरहरू : नेपाल फोटो लाइब्रेरी