०६ असार २०८३, शनिबार
अनलाइन गेम खेलाएर सट्टेबाजी गराएको आरोपमा बुटवलबाट १३ जना पक्राउ परेका छन् ।
पक्राउ पर्ने १३ जना नै भारतीय नागरिक रहेका प्रहरीले जनाएको छ।
पछिल्लो समय बुटवलको कालिकानगरमा एक घर भाडामा लिएर अनलाइन गेम खेलाउने र सट्टेबाजी गराउनेलाई बुटवल प्रहरीले पक्राउ गरेको हो ।
फ्लाइट भाडामा लिएर अवैध गतिविधि गरेको सूचनाको आधारमा इलाका प्रहरी कार्यालय बुटवल र वडा प्रहरी कार्यालय रामनगरबाट खटिएको टोली उनीहरूलाई पक्राउ गरेको हो ।
प्रहरीले १३ जना भारतीय नागरिक र उनीहरूले प्रयोग गर्ने मोबाइल लगायतका सामान नियन्त्रणमा लिएको छ ।
इलाका प्रहरी कार्यालय बुटवलका प्रमुख विजयराज पण्डितले १३ जना भारतीय पक्राउ गरेको र उनीहरूको बारेमा अनुसन्धान भइरहेको बताए ।
