२७ असार २०८३, शनिबार
कोशी प्रदेशका नवनियुक्त मुख्यमन्त्री हिक्मतकुमार कार्कीले पद तथा गोपनीयताको शपथ लिएका छन् ।
उनलाई विराटनगरस्थित प्रदेश प्रमुखको कार्यालयमा बिहीबार आयोजित समाराेहमा प्रदेश प्रमुख परशुराम खापुङले पद तथा गोपनीयताको शपथ ग्रहण गराएका हुन् ।
मुख्यमन्त्री कार्कीले नेकपा (एमाले)का राम रानामगर र नेकपा (माओवादी केन्द्र)का गणेश उप्रेतीलाई विनाविभागीय मन्त्री बनाउने तयारी गरेका छन् ।
मुख्यमन्त्री कार्कीले शपथ लिएपछि उनीहरूलाई पनि मन्त्री नियुक्त गरेर आजै शपथको तयारी गरिएको छ ।
मन्त्रालयमा कुरा नमिलेपछि २ जनालाई विनाविभागीय मन्त्री नियुक्त गरेर शपथ गराउने तयारी भएको हो ।
