नेपाली कांग्रेस कोशी प्रदेश संसदीय दलको बैठक अझै बस्न सकेको छैन । केन्द्रमा गण्डकी र कोशी प्रदेशको विषयलाई लिएर बैठक बसिरहेको र त्यसको निर्णय नआएसम्म बैठक सारिएको कांग्रेस कोशी प्रदेश संसदीय दलका नेता उद्वव थापाले बताए । उनले केन्द्रको निर्णय पछाडि बैठक बसेर निर्णय गर्ने जानकारी दिए । 

आज मुख्यमन्त्री हिक्मत कार्किले विश्वासको मत लिँदै छन् । विपश्वासको मत लिने विषयमा कांग्रेसले निर्णय गर्न बैठक बोलाएको थियो । तर बैठक बस्नुअगाडि केन्द्रीय सदस्यहरूसँग नेता थापाले छुट्टै छलफल गरेका थिए । बैठक बहिष्कार गर्ने रणनीति बनाए पनि त्यस विषयमा मतभेद भएपछि केन्द्रको निर्णय मान्ने सहमति भएर बैठक सारिएको जनाइएको छ ।

निवर्तमान मुख्यमन्त्री केदार कार्की पक्षले सदन नै अवरोध गर्नु पर्ने बताउँदै आएको छ भने संस्थापन पक्षले बैठक बहिष्कार नगर्ने बताउँदै आएको छ ।