सहकारी ठगीमा उपप्रधान एवं गृहमन्त्री रवि लामिछानेको संलग्नताबारे संसदीय छानबिन समितिको माग गर्दै प्रमुख प्रतिपक्षी दल नेपाली कांग्रेसले संसद्को वेल घेराउ गरेको छ ।

मंगलबार बसेको प्रतिनिधिसभा बैठकमा सभामुख देवराज घिमिरेले बैठक शुरू भएको घोषणा गर्नासाथ कांग्रेस सांसदहरू वेल घेर्न पुगेका थिए । 

कांग्रेस सांसदहरूले नाराबाजी नरोकेपछि सभामुख देवराज घिमिरेले जेठ ३ गते बिहान ११ बजेसम्मका लागि बैठक स्थगन गरिएको घोषणा गरे ।

बैठकमा दुवै सदनको संयुक्त बैठकमा सरकारको नीति तथा कार्यक्रम पेश गरेकोमा राष्ट्रपति रामचन्द्र पौडेललाई धन्यवाद दिने कार्यसूची थियो ।

साथै, प्रधानमन्त्रीले सरकारको नीति तथा कार्यक्रम पेश गर्ने कार्यसूची समेत प्रभावित भयो ।