इंडियन प्रिमियर लिग (आईपीएल)क्रिकेटमा लखनऊ सुपर जाएन्ट्स दिल्ली क्यापिटल्ससँग पराजित भएको छ । दिल्लीको घरेलु मैदानमा सोमबार राति सम्पन्न खेलमा दिल्ली १९ रनले विजयी भएको हो ।

दिल्लीले दिएको २०९ रनको लक्ष्य पछ्याएको लखनऊले ९ विकेटको क्षतिमा १८९ रन मात्र बनाउन सक्यो । लखनऊका लागि निकोलस पुरनले २७ बलमा सर्वाधिक ६१ रन बनाए । अर्षद खानले ३३ बलमा ५८ रन बनाए । क्रुनाल पण्ड्याले १८ तथा युधवीर सिंहले १४ तथा क्विन्टन डी ककले १२ रन जोडे । दिल्लीका लागि ईशान्त शर्माले ३ विकेट लिए । 

त्यसअघि टस हारेर ब्याटिङ गरेको दिल्लीले ४ विकेटको क्षतिमा २०८ रन बनाएको थियो । दिल्लीका लागि अभिषेक पोरेलले ३३ बलमा सर्वाधिक ५८ रन बनाए भने स्टब्सले २५ बलमा ५७ रन जोडे । साई होपले ३८ तय ऋषभ पन्तले ३३ रन बनाए ।

लखनऊका नवीन उल हकले २ तथा अर्शद खानले र रवि विश्नोइले १-१ विकेट लिए ।

यो जितसँगै दिल्लीको लिग चरणका सबै खेल समाप्त भएका छन् । दिल्लीले १४ खेलमा १४ अंक बटुलेको छ । लखनऊको भने एक खेल बाँकी रहँदै १२ अंक छ ।

दिल्लीको प्लेअफ पुग्ने सम्भावना आधिकारिक रूपमा समाप्त नभए पनि सम्भावना न्यून रहेको छ । लखनऊले पनि प्लेअफमा पुग्न अन्तिम खेलमा ठूलो अन्तरको जीत हासिल गर्दै अन्य नतिजामा भर पर्नु पर्ने छ ।