२३ असार २०८३, मंगलबार
घोराही–दाङमा यात्रुबाहक बस दुर्घटना हुँदा १० जना घाइते भएका छन् ।
तुलसीपुर खण्डअन्तर्गत बेलझुण्डीमा शुक्रबार तुलसीपुरबाट काठमाडौं हिँडेको प्रदेश ३–०१००६ ख ०९७५ नम्बरको बस दुर्घटनामा परेको हो ।
जिल्ला प्रहरी कार्यालय दाङका प्रहरी नायब उपरीक्षक जनकबहादुर मल्लले घाइतेहरूलाई उद्धार गरेर उपचारका लागि राप्ती प्रादेशिक अस्पताल तुलसीपुर पठाइएको जानकारी दिए ।
घाइते सबै खतरामुक्त रहेको प्रहरीले जनाएको छ । घटनाबारे थप अनुसन्धान भइरहेको मल्लले जानकारी दिए ।
