२३ जेठ २०८३, शनिबार
नेपाली कांग्रेसको नाराबाजीका कारण प्रधानमन्त्री पुष्पकमल दाहाल ‘प्रचण्ड’ले प्रतिनिधि सभामा विश्वासको मत लिने कार्यसूची प्रभावित भएको छ ।
सोमवार बसेको प्रतिनिधि सभा बैठकमा सभामुख देवराज घिमिरेले विश्वासको मत लिने प्रयोजनका लागि मन्तव्य राख्न प्रधानमन्त्री प्रचण्डलाई समय दिएका थिए ।
तर, कांग्रेसको अवरोधका कारण प्रचण्ड संसद्को रोस्ट्रममा जान सकेनन् । त्यसपछि सभामुखले प्रतिनिधि सभा बैठक १५ मिनेटका लागि स्थगित गरेका छन् ।
सहकारी ठगीमा गृहमन्त्री रवि लामिछानेमाथि संसदीय छानबिनको माग गर्दै कांग्रेसले संसद् अवरुद्ध गर्दै आएको छ ।
कांग्रेसले संसदीय छानबिन समिति नबन्दासम्म विश्वासको मतको कार्यसूची पनि अगाडि नबढ्ने बताएको छ ।
