०४ असार २०८३, बिहीबार
नेपाल सङ्गीत तथा नाटय प्रज्ञा–प्रतिष्ठानले शास्त्रीय एवं परम्परागत नृत्य संरक्षणका लागि मौलिक प्रस्तुति शुरू गरेको छ ।
आज काठमाडौंमा आयोजित कार्यक्रममा प्रतिष्ठानले चर्या, कत्थक, महाभारतको चीरहरण, बङ्गलामुखी स्तुतिलगायत नृत्य प्रस्तुत गर्यो ।
सनम र सङ्गीता खड्गीले चर्या, नम्रता केसीले कत्थक, सौजन रघुवंशी र प्रमिला श्रेष्ठले महाभारतको चीरहरण एवं बङ्गलामुखी स्तुतिलगायत नृत्य प्रस्तुत गरेका थिए ।
कार्यक्रममा नेपाल ललितकला प्रज्ञा–प्रतिष्ठानका कुलपति नारदमणि हार्तम्छालीले परम्परागत चित्र र मूर्ति जस्तै नृत्य पनि आनन्ददायक हुने भएकाले यसको संरक्षण गरिनुपर्ने बताएका थिए ।
सङ्गीत र ललितकला प्रतिष्ठान मिलेर संयुक्तरुपमा यस्ता कार्यक्रम गर्न सकिने उनको भनाइ थियो ।
सङ्गीत प्रतिष्ठानका उपकुलपति शम्भु राईले ओझेलमा परेका संस्कृतिलाई जनसमक्ष ल्याउन कार्यक्रम गरिएको बताए ।
उनले नेपाली मौलिक संस्कृति लोप हुन थालेकामा सरोकार भएका निकायले संरक्षणमा ध्यान दिनुपर्ने बताए ।
