१० साउन २०८३, आइतबार
फिफा विश्वकप फुटबल–२०२६ को छनोट खेलमा नेपालले आज यमनको सामना गर्दैछ । नेपाल र यमनबीचको खेल साउदी अरबमा नेपाली समयानुसार, राति पौने १२ बजे शुरू हुनेछ ।
आजको खेल नेपाली राष्ट्रिय फुटबल टोलीका कप्तान किरण कुमार लिम्बु (चेम्जोङ)को ऐतिहासिक सयौं खेल हुनेछ ।
डेढ दशकभन्दा लामो अन्तर्राष्ट्रिय फुटबल करियरमा किरणले हाल नेपालका लागि सर्वाधिक ९९ क्याप जितेका छन् । आजको खेल खेलेमा उनी नेपालका लागि १०० खेल खेल्ने पहिलो फुटबलर बन्नेछन् ।
उनी अहिले नेपालको कप्तान र गोलकिपर दुवै भूमिका छन् ।
एसियाली क्षेत्रको दोस्रो चरणको विश्वकप छनोटमा नेपाल समूह ‘एच’ मा रहेको छ । समूहमा रहेका चारवटै राष्ट्रले पाँच–पाँच खेल खेलिसकेका छन् । पाँचवटै खेलमा विजयी भएको यूएई १५ अंकसहित तालिकाको पहिलो स्थानमा छ । १० अंकसहित बहराइन दोस्रो स्थानमा रहेको छ ।
यूएई र बहराइन विश्वकप छनोटको तेस्रो चरणमा पुगिसकेका छन् । चार अंकसहित यमन तालिकाको तेस्रो स्थानमा छ ।
नेपालले भने पाँचवटै गुमाएको थियो । हालसम्म खेलिएको पाँच खेलमा नेपाली टोलीले एक गोल पनि गर्न सकेको छैन ।
