नेकपा एमालेका सांसद रघुजी पन्तले विदेशी नागरिकता लिएका कर्मचारीबारे संसद्लाई जानकारी गराउन माग गरेका छन् ।

विदेशी नागरिकता लिएका कर्मचारीलाई कारबाही गर्न भनेर अख्तियारले पत्र लेखे पनि प्रधानमन्त्री कार्यालयले एक्सन नलिएको उनले आरोप लगाए । 

बुधबार बसेको प्रतिनिधि सभा बैठकको शून्य समयमा सांसद पन्तले नेपाल सरकारको विशिष्ट श्रेणीका कर्मचारीले समेत विदेशी नागरिकता लिएको समाचार आएको भन्दै उनीहरूको जानकारी दिन माग गरेका हुन् ।

‘नेपाल सरकारको नुन खाँदाखाँदै विदेशी नागरिकता लिन रहर लाग्ने महानुभाव को-को रहेछन् जानकारी पाउनुपर्‍यो,’ सांसद पन्तले भने ।