कुवेतको मङ्गाफ शहरमा रहेको एउटा भवनमा आगलागी हुँदा ४९ जनाको मृत्यु भएको छ । ज्यान गुमाउनेमध्ये ४० जना भारतीय कामदार रहेका छन् । 

मृत्यु हुनेको उमेर २० देखि ५० वर्षसम्म रहेको छ । तीमध्ये अधिकांश केरला र तमिलनाडुका मानिसहरू रहेको समाचारमा उल्लेख छ । 

दुर्घटनामा ५० भन्दा बढी भारतीय पनि घाइते भएको दैनिक भास्करले जनाएको छ । 

कुवेत टाइम्सको रिपोर्ट अनुसार भवनमा १९५ भन्दा बढी कामदार बस्दै आएका थिए । 

प्राप्त विवरणअनुसार उक्त क्याम्पमा आगलागीमा परेका ५ जना नेपाली श्रमिकले भने झ्यालबाट हाम फालेर आफ्नो ज्यान जोगाउन सफल भएका छन्। 

यसैबीच, भारतका विदेश राज्यमन्त्री कीर्तिवर्धन सिंह आज कुवेत जाने भएका छन् ।

त्यहाँको अवस्थाबारे जानकारी लिन उनी कुवेत जान लागेको भारतीय सञ्चार माध्यमहरूले जनाएका छन् ।