नेपालगञ्जबाट काठमाडौं आउँदै गरेको यात्रुबाहक बस त्रिशुली नदीको किनारमा खसेको छ ।

चितवनको फिस्लिङ बजारनजिक​ बस दुर्घटना भएको ट्राफिक प्रहरी कार्यालय धादिङका प्रमुख इन्स्पेक्टर रविन्द्र श्रेष्ठले लोकान्तरलाई जानकारी दिए । 

उनका अनुसार काठमाडौंबाट चितवनतर्फ जाँदै गरेको बागमती प्रदेश ०२–०३९च ३७२० नम्बरको कारसँग ठोक्किएर नेपालगञ्जबाट काठमाडौं आउँदै गरेको भे १ ख ४०६२ नम्बरको बस शुक्रबार बिहान साढे ७ बजेतिर त्रिशुली किनारमा खसेको हो । 

दुर्घटनामा २० जना घाइते भएका छन् । घाइतेमध्ये पाँच जनाको अवस्था गम्भीर छ । गम्भीर घाइते भएका कारमा सवार सबैलाई उपचारका लागि चितवन पठाइएको प्रहरी निरीक्षक रवीन्द्रकुमार श्रेष्ठले जानकारी दिए ।

बसमा ४५ जना यात्री थिए । सबै यात्रीको अवस्था सामान्य छ । ​

स्पीडमा रहेको कारलाई जोगाउन खोज्दा बस त्रिशुली किनारमा खसेको प्रत्यक्षदर्शीले बताएका छन् ।