१४ असार २०८३, आइतबार
मकवानपुरको राक्सिराङ गाउँपालिका–२ थुम्कीमा चट्याङ लागेर एक जनाको मृत्यु भएको छ ।
जिल्ला प्रहरी कार्यालय मकवानपुरका प्रवक्ता एवं प्रहरी नायब उपरीक्षक लक्ष्मी भण्डारीका अनुसार सोमबार बिहान घरमै सुतिरहेको अवस्थामा ४५ वर्षीय वीरबहादुर प्रजालाई चट्याङ लागेको थियो ।
चट्याङ लागेर घाइते भएका प्रजाको हेटौंंडा अस्पतालमा लगेपछि चिकित्सकले मृत घोषणा गरेका प्रवक्ता भण्डारीको भनाइ छ ।
उनका अनुसार मृतकको शव अस्पतालमा राखिएको रहेको छ ।
घटनाबारे प्रहरी सहायक निरीक्षक गौरव विष्टको टोली थप अनुसन्धान गरिरहेको छ ।
