०८ साउन २०८३, शुक्रबार
नेपाली कांग्रेसका महामन्त्री गगन थापाले जिल्ला कार्यसमितिहरूलाई आकस्मिक परिपत्र गरेका छन् ।
कांग्रेसले जितेका स्थानीय तहको नीति कार्यक्रम र बजेट बनाउँदा पार्टीसँग समन्वय नभएको गुनासो आएको भन्दै थापाले जिल्लाहरूलाई आवश्यक संवाद र समन्वय गर्न परिपत्र गरेका हुन् ।
कांग्रेसका जितेका स्थानीय तहमा नीति कार्यक्रम र बजेट बनाउँदा पार्टीको स्थानीय समितिसँग समन्वय गर्न, पार्टीका संकल्प प्रस्ताव, चुनावमा गरिएका वाचालाई उल्लेख गर्न पनि निर्देशन दिइएको छ ।
स्थानीय तहको आवश्यकता र जनअपेक्षा अनुसारका कार्यक्रम समेट्न पनि थापाले परिपत्रमार्फत निर्देशन दिएका छन् ।
