पूर्वी नेपालका केही जिल्लामा गएरातिदेखि भारीदेखि हल्का वर्षा भइरहेको छ । सिराहा, उदयपुर, सप्तरी, धनकुटा, सुनसरी, मोरङ र झापा आसपासको क्षेत्रमा हल्कादेखि मध्यम वर्षा भइरहेको जल तथा मौसम विज्ञान विभागले जनाएको छ । 

विभागका अनुसार यी क्षेत्रमा थप वर्षा हुनसक्ने भएकोले स–साना खोलाहरूमा आकस्मिक बहाब बढ्नसक्ने सम्भावना छ । खोला र नदी तटीय क्षेत्रमा सतर्कता अपनाउन विभागले आग्रह गरेको छ । 

यस्तै, रौतहटको गरुडा र सर्लाहीको मनुसमारा वर्षामापन केन्द्र आसपासको क्षेत्रमा भारी वर्षा मापन भएको छ । सो क्षेत्र भएर बहने झनझा खोलालगायत स–साना खोलाहरूमा बहाव बढ्नसक्ने भएकाले तटीय क्षेत्रमा सतर्कता अपनाउनुन विभागले अनुरोध गरेको छ ।